Mendukilo kobak

Astitzeko Kontzejuko lurretan kokatutako kobazulo hau mendiko ukuilu gisa erabili izan da mendeetan zehar. Baina 2005etik aurrera erabilera berria hartu du, bisitariak hartzeko egokitua izan baita. Lurpeko inguruneak dituen zailtasunak gutxitzeko, koba pasabide flotagarriz, argiztapen dinamikoz eta sistema multimediadun ekipamenduz hornitu da. Horrela, ibilbidea bigarren solairura bere kabuz igo daitekeen edonorrentzat egokia da. Bisita guztiak inguruko gidarien laguntzaz egingo dira, gehienez 40 laguneko taldeetan. 60 minutuko bisitan hiru areto ezagutzeko aukera izango dugu.

Artzainzulo (artzainen babeslekua): sarrerako aretoa da, eta argi naturala iristen zaio; bere bolumen ikusgarriari esker, nahiko argiztatua dago. Areto honetan geologia-formazio xume eta lehenengoak ikusiko ditugu. Aretoaren amaieran, Jentileiora (jentilen leihoa) sartuko gara, kobaren barrunbeetara jaisteko 30 metro inguru. Han gaude Hartz-zuloan (hartzen gordelekua).