Urbasa-Andia Parke Naturala

Ubasako mendilerroak Andiakoarekin batera Nafarroako Foru Erkidegoaren ipar-mendebaldean dagoen parke natural zabala osatzen du.

Pago baso ikusgarriek lurraldearen zati handi bat estaltzen dute, haginak, enebroak eta pinuak bezalako beste espezie batzuekin batera. Rasoetan —1.000 metro inguruko altueran dauden lautadetan—, basoak lekua uzten die erikaz eta elorri zuriz zipriztindutako larre zabal batzuei, non sarritan ikus daitezkeen behor eta ardiak bazkan.
Ubasan leize eta arrakala ugari aurki daitezke, eta horregatik da espeleologiazaleentzako helmuga bikaina.

Gomendagarria da parke naturaleko informazio zentroa bisitatzea, bere balio paisajistiko, ekologiko eta kulturalak hobeto ezagutzeko.

Ubasako-Andiako mendilerroa 1997an izendatu zuten Parke Natural, bere ingurumen- eta kultura-balioengatik, eta informazio zentro batez, erabilera tradizionalen interpretazio gune batez eta ibilbide eta oinezko bide ugariz hornituta dago.